小坤嘅不落客bu bu bus+。+

好似未试过经历甘忙既暑假,希望几年之后回首呢段日子,无咩遗憾,无咩后悔

很可惜最近都无咩灵感

酷热真系会扼杀精神

总是嫌身边趣事太少

还是系

我既活力开始消亡呢?

唔知要受D咩刺激

先可以寻会动力

今日帮个BLOG执左吓身

希望跟住就会有FUNNY STORIES

COME IN MY SIGHT

许个愿先~  ...-_-...

最近终于下定决心要做杂志勒.有人问我点解,就好似之前日志讲过甘:"唔甘心!"所以做勒.

开个头仔就困难重重噶喇,所以真系觉得友谊可贵,为左稳到得意既人,得意既事,我史无前例甘决定积极上网搜刮材料.当然,如果有朋友见字后拔刀相助,梗系求之不得啦!

讲到甘婉转,电脑荧屏前既你,无理由仲GET唔到我个POINT挂??

所以,如果,你觉得你有D得意经历觉得可以SHARE出黎,或者你知道有D人"肚满肠肥"甘塞实晒D搞笑野无地方发泄,

麻烦即刻联络小坤,我要你!我要距!

回忆小记一则「同小坤抢的士既“神经侠侣”」
话说某日，小坤系慈爱“爸爸氏”既陪同下携带巨型行李三大包急急脚落屋企楼下，赶住去烈陵搭返珠海大巴。正打算系大院铁门前打的，说时迟那时快，就见一部的士向小坤同“爸爸氏”方向行进，小坤梗系即刻扬手猛挥YUP住距啦~的士司机好识做，马上系呢条狭窄既单行线上黎个高难度调头，正当手执行李兴奋企直既两人等车之时，调头的士似乎塞住左隔离一对情侣既去路，于是四人并排安静等候...
一阵沉默之后，的士终于翻身成功，两人拿拿林摞起行李想行，赫然发现果对情侣急急脚冲向小坤既的士，女人“唔该”都无声就开左车门坐晒入去，我一边口头阻止一边冲左上去塞住车门：“唔好意思，部车系我地截噶窝！”女：“唔好意思，我地赶时间啊！部车坐左就我地噶啦！”爸爸氏：“我地都赶时间啊！”小坤：“系咯，你地唔好甘得唔得啊？！”女：“唔系呢~我地真系好赶时间啊”男：“系啊！你地搭过第部啦！”小坤：“部车我地截既，点解要我搭过第部啊？你地唔好甘得唔得啊？”个女见小坤唔让步，即刻伸手MENG车门，男就一边闹：“你地自己搭唔到唔好赖人啦，放弃啦，搭过第部啦！”一边快快手兜过的士另一边坐上副驾驶座。
个女猛话：“你地搭过第部啦”，伸手MENG门，小坤突然怒火中烧，大力BANG埋车门大闹：“抢人不车，你地好无道德啊！！”
呢边闹完，果边车就起动。无奈小坤与“爸爸氏”拖住几廿斤行李可怜巴巴望住车开远，个男突然伸个头出黎大哎：“你地慢慢嬲喇窝~哈哈哈哈~我地唔识你噶~！哈哈哈哈……”
本来俾人抢的士，只可以怨自己唔够眼明手快，点知遇着呢挺无品恶毒男加上软弱又要做衰既女，小坤实在心生不忿，决定系度谴责一下！

 

新鲜小记两则「“虫虫特工队”续篇」
小坤就快要同山顶宿舍既F1告别..虫虫满怀既生活可能要告一段落，系度为表纪念，留下虫虫逸事两则。

一则发生于今晨10点半左右，事件铺垫于前一夜：当晚小坤返到宿舍坐低，一股若隐若现既海味铺式“咸鱼味”就开始不时传入鼻孔，小坤坐左两个钟后终于忍唔住问室友。室友A听完话唔觉...几分钟之后，距话：觉勒！系咪死老鼠味？小坤推断唔系，死老鼠味应该无甘微弱。室友B听完无出声，半小时后，距突然话：我都闻到喇！好大味啊！...小坤当时都唔觉好大味...究竟室友系闻到定系幻觉？至今疑惑...由于稳唔到来源..大家放弃此事..

就甘过左一晚..

翌日，即系今朝10点半，小坤岩起身，突然觉得身体有异常，貌似大姨妈报到，于是打算稳“M巾氏”搭救，系台下柜格抽出装“M巾氏”住处胶袋一大个，突然昨夜咸鱼味扑面而来！！！一黑色小物应声落地——唔系，系落入小坤鞋内，定眼一望，原来系过左身既“小强氏”！抬头再睇“M巾氏”住处，只见胶袋边沿一小滩灰啡色液体...再仔细一睇——一条条郁郁拱滑嘟嘟既小生物正系上面不停攒动！推断此乃传说中既死尸食家“蛆虫氏”。然后果股臭到冤既咸鱼味~~唔使讲..即刻快速扩散...弥漫晒成个宿舍...小坤眼望“外强中干”既小强氏...突然觉得：原来蚂蚁氏系好好既...死左化成灰..真系会好过得翻个壳...人类既火化葬礼~原来系甘博大精深既！

第二则，就唔讲甘多喇...睇得多字大家都厌。奉上几张小坤前夜偷拍既虫虫届“春宫图”..由于灯光师迟到..效果欠佳，敬请原谅！如果仲有有癖好人士想睇动作片，可以联系小坤索取VIDEO版本

「如果做人简单D？」

如果做人简单D，可能唔得，估计好弊。

CHILDREN’S DAY窝，个个都想过，基本所有小朋友理所当然甘过，可能大部分大朋友都想过。做返细路仔窝~简简单单~几好啊~乜都唔使捻、唔使做~衣来伸手、饭来张口~快活过神仙啦~

似乎EVERYONE既童年都系快乐而幸福既...不过捻真D？又系咪真系甘开心啊~？？回忆吓细个果阵：有边个试过因为少少事就俾老窦妈子“藤条炆猪肉”既?有边个试过去到东方乐园因为身高唔够无得坐过山车既?有边个试过赖湿张床搞到自己好闭翳既?有边个试过朝朝被迫送去恶姨横行既恐怖幼儿园既?有既唔该举举手~多谢合作!

细个真系几简单,俾人打两下就流晒马尿,人地整粒糖你又开心笑翻,简单咯,细路乜都唔识啊,所以日日俾人压迫都可以当无件事咯。

果日听个颇有性格既大学老师义愤填膺甘讲左句：「系咪小朋友唔识野，就可以俾你帮距着“开浪裤”，随便俾你将距既性器官游街示众先？！」虽然距既民主主义发挥到一个极致，不过呢句话都有D POINT噶啵！

哈，所以劳碌辛苦之后，我地成日同自己讲「点解做人唔可以简单D呢？」拿，甘你宜家知点解啦。

最近迷上减肥,其实亦不至于迷上,无食药,无运动,无用咩绷带啊~保鲜纸啊~塑形裤啊甘,只系好单纯甘,食少D.系咪真系太单纯呢?我单纯甘以为,食少D就可以LOSE WEIGHT,唔知结果系点.试紧,试完话你知.

渐渐甘,16个钟氏已经慢慢成为过去,好多朋友仲会问我同距点,其实我都唔知,单纯甘有D暧昧,仲系会系得唔到想要既回报果阵怒发冲冠,不过一觉训醒,就觉得,都系自己既生活比较重要.以前果种发誓唔会再稳距而训醒之后又急急忙忙开电脑系MSN度等住距出现既生活,TURNED INTO历史了,恩,估计系历史了.

因为觉得自己既生活比较重要,所以就想做好多事.尤其每次翻阅果D自己欣赏既杂志既文章时,总系不自觉甘被呢D杂志人所鼓舞.将来我亦都系其中既一员了,可能只消两三年既工夫,所以,必须做点什么,填满我既生活很重要.

无人对我话过:你要做D乜野乜野.但系我总系催促自己要做D野.

尤其见过一D同龄同行,中大既<RICE>,广外既<MORE>(多得小烟氏提醒,大头虾小坤即刻更正!),广商既<星期一>...呢D同我生长系同一个城市,受住同一种文化熏陶,经历同一个岁月既人们,原来已经走得甘前,我有点心生不忿,有点着急,觉得自己很落后,觉得要做D野.

学生会既工作正处系不温不火既状态,觉得需要自己既积极先可以一直滚下去,越滚越大,滚出自己真正想煲既果煲靓汤.

然而矛盾既系,学生会既工作同我既未来职业并唔系同一个范畴,一个系活跃于网络同荧屏既影视节目,一个系在纸张上随心跳舞既JELL PEN.

无论边一样都唔想放弃既心情,虽然有点苦恼,不过,就系填满我生活既动力.

至于FIND SOMEONE既问题,总觉得身边很多值得欣赏既男性--正确既称呼应该系:男仔.距地未成熟,因此没有致命吸引力.但系,同距地相处很愉快,何乐而不为?总好过埋头在电脑前与那团空气疯狂地对话吧.

今日睇左一个陌生人既BLOG,见到一段中韩婚姻,觉得距地既BABY好靓.然后好傻甘捻,啊,或者稳个日本男朋友会很不错.混血儿会几靓!